O’ tempu ’i ’na vota
(Satira del nostro
tempo)
Se tornàssaru i nonni ’nda ’sta vita
si facìanu ’a cruci ca’ mancina:
nudu cchjù zzappa, nudu cogghj liva
a cuminciari già da la matina.
Cu’ veru ’mpegnu tutti s'allicchèttanu
mu vannu avanti e arretu pe’ la via,
segnu modernu chi lodatu sia
pe’ la saluti e pe’ spavalderia.
’A machineda soi ciascunu pìgghja
pe’ fari ’a spisa ’ndo supermercatu:
no’ cchjù pani e cipuda di ’na vota,
ora s'accatta cibu ricercatu.
Fettini ’i viteduzzu e gran prosciuttu,
caviali e piscispata da gustari,
’a mègghju frutta frisca di stagioni,
bevandi e ’nu gelatu pe’ scialari.
’Na vota ’nci ligavanu li landi
a’ cuda di li cani li cotradi
e li ’nimali comu surfalora
sparivanu pe’ chiani e pe’ li vadi.
Non c'esti cchjù né giuvani o figghjola
chi non possedi lu fidili amicu,
puru a lu lettu e puru ’ndo sofà
menti lu cani comu non ti dicu.
Manca la disciplina e lu decoru,
’i strati sunnu chini ’i porcheria:
undi ppoggi li pedi stai prudenti
nommu finisci mali poi pe’ ttia.
Chi cciappi e supra-a-munti si jocava,
a mmucciateda e puru chi ligneda,
’na vota, ricorrendu lu Natali,
pe’ li nucidi nc'era la fosseda.
Computer e smartphone senza misura,
sali da ballu e ccarchi bon spinellu,
cumpagnu ca cumpagna jntra e fora:
ora è ’nu sballu, ’nu veru burdellu.
’Nci sunnu latri puru o’ Parlamentu,
di nudu o’ mundu ci si po’ fidari,
lu poveracciu veni schiavizzatu
e vaci avanti cu’ ’ndavi dinari.
All'anima sarrìa cchjù da penzari,
cu’ ’na sincera e piena devozioni:
senza lu pentimentu ormai è d’usu
jìri dirittu pe' la Comunioni.
Dicìa l'anticu u ’ndi pigghjamu ’u bonu
ca ’u mali veni sulu, sta’ a vederi:
cu’ balla, mangia e ’mbivi s'arricrìa,
cu’ no’ la pìgghja certu… ’ndo sederi!
Nessun commento:
Posta un commento